ਵਾਸ਼ਿੰਗਟਨ: ਫੇਸਬੁੱਕ ਅਤੇ ਇੰਸਟਾਗ੍ਰਾਮ ਦੀ ਮਾਲਕ ਕੰਪਨੀ ਮੈਟਾ ਨੇ ਬੱਚਿਆਂ ਅਤੇ ਕਿਸ਼ੋਰਾਂ ਦੀ ਆਨਲਾਈਨ ਸੁਰੱਖਿਆ ਨੂੰ ਲੈ ਕੇ ਵੱਡਾ ਫ਼ੈਸਲਾ ਕੀਤਾ ਹੈ। ਅਮਰੀਕਾ ਦੇ ਕਈ ਰਾਜਾਂ ਦੇ ਅਟਾਰਨੀ ਜਨਰਲ ਨਾਲ ਹੋਏ ਇੱਕ ਸਮਝੌਤੇ ਤਹਿਤ 18 ਸਾਲ ਤੋਂ ਘੱਟ ਉਮਰ ਦੇ ਯੂਜ਼ਰਾਂ ਲਈ ਰਾਤ 12 ਵਜੇ ਤੋਂ ਸਵੇਰੇ 6 ਵਜੇ ਤੱਕ ਫੇਸਬੁੱਕ ਅਤੇ ਇੰਸਟਾਗ੍ਰਾਮ ਦੀ ਵਰਤੋਂ 'ਤੇ ਡਿਫਾਲਟ ਰੋਕ ਲਗਾਈ ਜਾਵੇਗੀ। ਮੈਟਾ ਵੱਲੋਂ ਇਸ ਨਵੇਂ ਫੀਚਰ ਨੂੰ Night Mode ਦਾ ਨਾਮ ਦਿੱਤਾ ਗਿਆ ਹੈ। ਇਸ ਦੌਰਾਨ ਟੀਨਏਜਰ ਯੂਜ਼ਰ ਫੇਸਬੁੱਕ ਅਤੇ ਇੰਸਟਾਗ੍ਰਾਮ 'ਤੇ ਫੀਡ, ਸਟੋਰੀਜ਼, ਐਕਸਪਲੋਰ ਅਤੇ ਰੀਲਜ਼ ਨੂੰ ਦੇਖ ਜਾਂ ਪੋਸਟ ਨਹੀਂ ਕਰ ਸਕਣਗੇ। ਹਾਲਾਂਕਿ ਡਾਇਰੈਕਟ ਮੈਸੇਜਿੰਗ ਨੂੰ ਇਨ੍ਹਾਂ ਪਾਬੰਦੀਆਂ ਤੋਂ ਬਾਹਰ ਰੱਖਿਆ ਗਿਆ ਹੈ, ਤਾਂ ਜੋ ਬੱਚੇ ਆਪਣੇ ਪਰਿਵਾਰ ਅਤੇ ਦੋਸਤਾਂ ਨਾਲ ਸੰਪਰਕ ਵਿੱਚ ਰਹਿ ਸਕਣ। ਰੋਜ਼ਾਨਾ ਸਿਰਫ਼ 2 ਘੰਟੇ ਦੀ ਡਿਫਾਲਟ ਲਿਮਿਟ ਨਵੇਂ ਨਿਯਮਾਂ ਤਹਿਤ 18 ਸਾਲ ਤੋਂ ਘੱਟ ਉਮਰ ਦੇ ਯੂਜ਼ਰਾਂ ਲਈ ਫੇਸਬੁੱਕ ਅਤੇ ਇੰਸਟਾਗ੍ਰਾਮ ਮਿਲਾ ਕੇ ਰੋਜ਼ਾਨਾ 2 ਘੰਟੇ ਦੀ ਡਿਫਾਲਟ ਵਰਤੋਂ ਸੀਮਾ ਰੱਖੀ ਜਾਵੇਗੀ। ਦੋਵਾਂ ਐਪਸ 'ਤੇ ਬਿਤਾਇਆ ਗਿਆ ਸਮਾਂ ਇਕੱਠੇ ਗਿਣਿਆ ਜਾਵੇਗਾ। ਇਸ ਲਿਮਿਟ ਨੂੰ ਬਦਲਣ ਲਈ ਮਾਪਿਆਂ ਦੀ ਇਜਾਜ਼ਤ ਦੀ ਲੋੜ ਹੋਵੇਗੀ। ਇਸ ਤੋਂ ਇਲਾਵਾ, ਜੇ ਕੋਈ ਕਿਸ਼ੋਰ ਲਗਾਤਾਰ 15 ਮਿੰਟ ਤੱਕ ਐਪ ਦੀ ਵਰਤੋਂ ਕਰਦਾ ਹੈ ਤਾਂ ਉਸ ਨੂੰ ਸਕ੍ਰੀਨ ਟਾਈਮ ਘਟਾਉਣ ਲਈ ਪ੍ਰੋੰਪਟ ਮਿਲੇਗਾ। ਰੋਜ਼ਾਨਾ 60 ਅਤੇ 90 ਮਿੰਟ ਦੀ ਵਰਤੋਂ ਪੂਰੀ ਹੋਣ 'ਤੇ ਵੀ ਯੂਜ਼ਰਾਂ ਨੂੰ ਯਾਦ ਦਿਵਾਇਆ ਜਾਵੇਗਾ। ਸਕੂਲ ਦੇ ਸਮੇਂ ਨੋਟੀਫਿਕੇਸ਼ਨ ਵੀ ਰਹਿਣਗੇ ਬੰਦ ਮੈਟਾ ਦੇ ਨਵੇਂ School Mode ਤਹਿਤ ਟੀਨਏਜਰਾਂ ਲਈ ਸਵੇਰੇ 8 ਵਜੇ ਤੋਂ ਦੁਪਹਿਰ 3 ਵਜੇ ਤੱਕ ਨੋਟੀਫਿਕੇਸ਼ਨ ਡਿਫਾਲਟ ਤੌਰ 'ਤੇ ਮਿਊਟ ਰਹਿਣਗੇ। ਇਸ ਦਾ ਉਦੇਸ਼ ਸਕੂਲ ਦੇ ਸਮੇਂ ਬੱਚਿਆਂ ਦਾ ਧਿਆਨ ਸੋਸ਼ਲ ਮੀਡੀਆ ਤੋਂ ਹਟਾ ਕੇ ਪੜ੍ਹਾਈ ਵੱਲ ਕੇਂਦਰਿਤ ਕਰਨਾ ਹੈ। ਮਾਪਿਆਂ ਨੂੰ ਮਿਲਣਗੇ ਹੋਰ ਅਧਿਕਾਰ ਨਵੇਂ ਸਮਝੌਤੇ ਤਹਿਤ ਮੈਟਾ ਮਾਪਿਆਂ ਲਈ ਵੀ ਵਧੇਰੇ ਨਿਗਰਾਨੀ ਅਤੇ ਕੰਟਰੋਲ ਦੇ ਸਾਧਨ ਮੁਹੱਈਆ ਕਰੇਗਾ। ਮਾਪਿਆਂ ਨੂੰ ਆਪਣੇ ਬੱਚਿਆਂ ਦੇ ਸੈਕੰਡਰੀ ਅਕਾਊਂਟ, ਸ਼ੱਕੀ ਅਕਾਊਂਟਾਂ ਨਾਲ ਹੋਣ ਵਾਲੀ ਗੱਲਬਾਤ ਅਤੇ ਸੁਰੱਖਿਆ ਸੈਟਿੰਗਾਂ ਵਿੱਚ ਕੀਤੀਆਂ ਤਬਦੀਲੀਆਂ ਬਾਰੇ ਜਾਣਕਾਰੀ ਦਿੱਤੀ ਜਾ ਸਕੇਗੀ। ਲਾਈਕ ਅਤੇ ਰਿਐਕਸ਼ਨ ਦੀ ਗਿਣਤੀ ਵੀ ਨਹੀਂ ਦਿਖੇਗੀ ਸਮਝੌਤੇ ਦੇ ਤਹਿਤ ਨਾਬਾਲਗ ਯੂਜ਼ਰਾਂ ਲਈ ਲਾਈਕ ਅਤੇ ਰਿਐਕਸ਼ਨ ਦੀ ਗਿਣਤੀ ਦਿਖਾਉਣ 'ਤੇ ਵੀ ਪਾਬੰਦੀ ਲਗਾਉਣ ਦੀ ਵਿਵਸਥਾ ਕੀਤੀ ਗਈ ਹੈ। ਇਸ ਦੇ ਨਾਲ ਹੀ ਕਾਸਮੈਟਿਕ ਸਰਜਰੀ ਜਾਂ ਦਿੱਖ ਨੂੰ ਕ੍ਰਿਤ੍ਰਿਮ ਤਰੀਕੇ ਨਾਲ ਬਦਲਣ ਵਾਲੇ ਕੁਝ ਫਿਲਟਰਾਂ 'ਤੇ ਵੀ ਰੋਕ ਹੋਵੇਗੀ ਅਤੇ ਨੌਜਵਾਨ ਯੂਜ਼ਰਾਂ ਨੂੰ ਨਾਨ-ਪਰਸਨਲਾਈਜ਼ਡ ਫੀਡ ਦਾ ਵਿਕਲਪ ਦਿੱਤਾ ਜਾਵੇਗਾ। ਕੀ ਭਾਰਤ ਵਿੱਚ ਵੀ ਰਾਤ 12 ਤੋਂ ਸਵੇਰੇ 6 ਵਜੇ ਤੱਕ ਫੇਸਬੁੱਕ-ਇੰਸਟਾਗ੍ਰਾਮ ਬੰਦ ਹੋਣਗੇ? ਨਹੀਂ, ਫਿਲਹਾਲ ਇਹ ਨਿਯਮ ਭਾਰਤ ਦੇ ਸਾਰੇ ਯੂਜ਼ਰਾਂ ਲਈ ਲਾਗੂ ਨਹੀਂ ਹਨ। ਮੈਟਾ ਮੁਤਾਬਕ ਇਹ ਨਵੀਆਂ ਸੁਰੱਖਿਆ ਵਿਵਸਥਾਵਾਂ ਅਦਾਲਤੀ ਮਨਜ਼ੂਰੀ ਮਿਲਣ ਤੋਂ ਬਾਅਦ ਸਮਝੌਤੇ ਵਿੱਚ ਸ਼ਾਮਲ ਅਮਰੀਕੀ ਰਾਜਾਂ ਅਤੇ ਖੇਤਰਾਂ ਵਿੱਚ 18 ਸਾਲ ਤੋਂ ਘੱਟ ਉਮਰ ਦੇ ਯੂਜ਼ਰਾਂ ਲਈ ਆਪਣੇ ਆਪ ਲਾਗੂ ਹੋਣਗੀਆਂ। ਇਸ ਲਈ ਇਹ ਕਹਿਣਾ ਗਲਤ ਹੋਵੇਗਾ ਕਿ ਭਾਰਤ ਵਿੱਚ ਹਰ ਉਮਰ ਦੇ ਲੋਕਾਂ ਲਈ ਫੇਸਬੁੱਕ ਅਤੇ ਇੰਸਟਾਗ੍ਰਾਮ ਰਾਤ 12 ਵਜੇ ਤੋਂ ਸਵੇਰੇ 6 ਵਜੇ ਤੱਕ ਬੰਦ ਕਰ ਦਿੱਤੇ ਜਾਣਗੇ। ਮੈਟਾ ਨੇ ਕਿਹਾ ਹੈ ਕਿ ਇਹ ਕਦਮ ਟੀਨਏਜਰਾਂ ਦੀ ਸਿਹਤਮੰਦ ਅਤੇ ਜ਼ਿੰਮੇਵਾਰ ਸੋਸ਼ਲ ਮੀਡੀਆ ਵਰਤੋਂ ਨੂੰ ਉਤਸ਼ਾਹਿਤ ਕਰਨ ਲਈ ਚੁੱਕਿਆ ਗਿਆ ਹੈ। ਕੰਪਨੀ ਨੇ TikTok ਅਤੇ YouTube ਨੂੰ ਵੀ ਇਸ ਤਰ੍ਹਾਂ ਦੇ ਸੁਰੱਖਿਆ ਮਾਪਦੰਡ ਅਪਣਾਉਣ ਦੀ ਅਪੀਲ ਕੀਤੀ ਹੈ। ਸਮਝੌਤੇ ਦੀਆਂ ਕਈ ਸ਼ਰਤਾਂ ਲੰਬੇ ਸਮੇਂ ਲਈ ਲਾਗੂ ਰਹਿਣਗੀਆਂ, ਜਦਕਿ ਇਸ ਦੇ ਲਾਗੂ ਹੋਣ ਲਈ ਅਦਾਲਤੀ ਪ੍ਰਵਾਨਗੀ ਜ਼ਰੂਰੀ ਹੈ।

Meta Big Decision Facebook Instagram Night Mode Facebook Instagram Midnight Ban Meta New Rules 2026 Instagram New Rules For Teens Facebook New Rules For Teens Social Media Time Limit Facebook Instagram 2 Hour Limit Meta Teen Safety Rules Facebook Instagra