BRICS ਸੰਮੇਲਨ ਦੇ ਮੱਦੇਨਜ਼ਰ ਦਿੱਲੀ ਟਰੈਫਿਕ ਪੁਲੀਸ ਨੇ ਐਤਵਾਰ ਲਈ ਵਿਸਤ੍ਰਿਤ ਟਰੈਫਿਕ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਸੰਮੇਲਨ ਦੇ ਆਖਰੀ ਦਿਨ ਸਵੇਰੇ 8 ਵਜੇ ਤੋਂ ਰਾਤ 8 ਵਜੇ ਤੱਕ 22 ਪ੍ਰਮੁੱਖ ਪੁਆਇੰਟਾਂ ’ਤੇ ਰੂਟ ਡਾਇਵਰਜਨ ਅਤੇ 35 ਤੋਂ ਵੱਧ ਮੁੱਖ ਸੜਕਾਂ ’ਤੇ ਟਰੈਫਿਕ ਨੂੰ ਨਿਯਮਤ ਕੀਤਾ ਜਾਵੇਗਾ। ਮੱਧ ਅਤੇ ਦੱਖਣੀ ਦਿੱਲੀ ਦੀਆਂ ਕਈ ਅਹਿਮ ਸੜਕਾਂ, ਜਿਨ੍ਹਾਂ ਵਿੱਚ ਮਥੁਰਾ ਰੋਡ, ਤਿਲਕ ਮਾਰਗ, ਸਰਦਾਰ ਪਟੇਲ ਮਾਰਗ, ਜਨਪਥ, ਅਸ਼ੋਕਾ ਰੋਡ, ਬਾਰਾਖੰਭਾ ਰੋਡ, ਨੀਤੀ ਮਾਰਗ ਅਤੇ ਏ.ਪੀ.ਜੇ. ਅਬਦੁਲ ਕਲਾਮ ਰੋਡ ਸ਼ਾਮਲ ਹਨ, ਪ੍ਰਭਾਵਿਤ ਰਹਿਣਗੀਆਂ। ਡਾ. ਦਿਨੇਸ਼ ਨੰਦਿਨੀ ਡਾਲਮੀਆ ਚੌਕ ’ਤੇ ਮਥੁਰਾ ਰੋਡ ਅਤੇ ਤਿਲਕ ਮਾਰਗ ਦਾ ਟਰੈਫਿਕ ਨਿਯਮਤ ਕੀਤਾ ਜਾਵੇਗਾ। ਪੂਰਬੀ ਤੇ ਦੱਖਣੀ ਦਿੱਲੀ ਵੱਲ ਜਾਣ ਵਾਲੇ ਵਾਹਨਾਂ ਨੂੰ ਬੀ.ਐਸ.ਜ਼ੈੱਡ. ਮਾਰਗ ਅਤੇ ਆਈ.ਪੀ. ਮਾਰਗ ਰਾਹੀਂ ਭੇਜਿਆ ਜਾਵੇਗਾ, ਜਦਕਿ ਨਵੀਂ ਦਿੱਲੀ ਅਤੇ ਕਨਾਟ ਪਲੇਸ ਵੱਲ ਜਾਣ ਵਾਲੇ ਵਾਹਨਾਂ ਲਈ ਸਿਕੰਦਰਾ ਰੋਡ ਦੀ ਵਰਤੋਂ ਕਰਵਾਈ ਜਾਵੇਗੀ। ਰਾਮ ਚਰਨ ਅਗਰਵਾਲ ਚੌਕ ਤੋਂ ਡਬਲਿਊ-ਪੁਆਇੰਟ ਵੱਲ ਜਾਣ ਵਾਲੇ ਵਪਾਰਕ ਵਾਹਨਾਂ ਦੀ ਐਂਟਰੀ ’ਤੇ ਵੀ ਰੋਕ ਰਹੇਗੀ।

Delhi Police Advisor Delhi Traffic News News Update Delhi News Breaking News